सिरियाको उत्तरपश्चिमी प्रान्त इद्लिवमा विद्रोहीहरूको अखडालाई लक्षित गरेर गरिएको हवाई कारवाहीमा परी कम्तीमा पनि २१ सर्वसाधारणको मृत्यु भएको छ।
यस आक्रमणमा मारिएकामा आठजना बालबालिकासमेत रहेका मानव अधिकारवादी समूहले सोमबार जनाएको छ। दक्षिणपूर्वी प्रान्तको सहर सिन्जारमा रुससँग आबद्ध हवाई कारबाहीमा मारिएक ती व्यक्तिहरू ८ बालबालिका र ११ जना भने एकै परिवारका सदस्य रहेका सिरियन अब्जरभेटरी फर ह्युम्यान राइट्सले जानकारी दिएको छ।
सिरियाली सरकार र रुससँग आबद्ध हवाई आक्रमण आज इद्लिवको कैयौँ स्थानमा जारी रहेको बेलायतसँग आबद्ध मानव अधिकारवादी संस्था अब्जरभेटरीका प्रमुख अब्देल रहमानले बताएका छन्।
यस कारबाहीमा परी सो समयदेखि हालसम्म चार लाख २० हजारभन्दा बढी व्यक्तिको मृत्यु भइसकेको छ भने हजारौँ सर्वसाधारण र सुरक्षाकर्मीसमेत घाइते भएका छन्। यो गृहयुद्धका कारण यहाँका लाखौँ नागरिक देशभित्र र छिमेकी देशहरूमा विस्थापित भएर शरणार्थीका रूपमा जीवन बिताउन बाध्य भएका छन् ।
