अब २९ स्थानको मत परिणाम आउन बाँकी, कहाँ कसको अग्रता हेर्नुहोस् (सूचीसहित)


असार १४ गते तीन प्रदेशमा भएको दोस्रो चरणको निर्वाचनको मतगणना अन्तिमतिर पुगेको छ। कुल ३३४ स्थानीय तह मध्ये बुधबार बिहान ११ बजेसम्म ३०५ स्थानको मतपरिणाम आइसकेको छ। अब २९ स्थानीय तहको परिणमा आउन मात्रै बाँकी छ।

प्राप्त पछिल्लो मतपरिणमा अनुसार नेकपा (एमाले) पहिलो दल बनेको छ। एमालले १३३ स्थानमा जित हात पारेको छ भने अझै १८ स्थानीय तहमा अग्रता लिइरहेको छ।

संसदको सबैभन्दा ठूलो दल नेपाली कांग्रेस कुल ११६ स्थानमा विजयी हुँदै एमालेलाई पछ्याई रहेको छ। उसको अग्रता कुल ६ ठाँउमा मात्रै छ।

उता पहिलो चरणको निर्वाचमा तेस्रो शक्ति बनेको माओवादी केन्द्रले यो निर्वाचनमा पनि आफ्नो तेस्रो स्थान सुरक्षित गरेको छ। माओवादीले अहिलेसम्म कुल ३६ स्थानीय तह जितेको छ भने १ स्थानमा अग्रता लिइरहेको छ।

बाबुराम भट्टराई नेतृत्वको नयाँ शक्तिसँग तालमेल गरेको उपेन्द्र यादव नेतृत्वको संघीय समाजवादी फोरम नेपाल र विजय कुमार गच्छदारको नेपाल लोकतान्त्रिक फोरम चौथो शक्ति बनेका छन्। दुबै दलले समान ६/६ स्थानीय तह जितेका छन्।

त्यस्तै संसदमा चौथो शक्ति रहेको राप्राप नेपाल धेरै दोस्रो चरणको निर्वाचनमा पनि कमजोर देखिएको छ। राप्रपाले जम्मा ४ स्थानमा मात्रै जित हात पारको छ। त्यस्तै राष्ट्रिय जनमोर्चा २ ठाँउमा विजयी भएको छ भने अन्य २ ठाँउमा स्वतन्त्र उम्मेदवार विजयी भएका छन्।

अब २८ स्थानीय तहमा नतिजा आउन बाँकी कहाँ कसको अग्रता छ हेर्नुहोस्

झापा

  1. मेचीनगर नगरपालिका – एमाले
  2. दमक नगरपालिका – एमाले
  3. भद्रपुर नगरपालिका – एमाले
  4. अर्जुनधारा नगरपालिका – एमाले
  5. शिवसताक्षी नगरपालिका – एमाले
  6. बिर्तामोड नगरपालिका – एमाले
  7. बुद्धशान्ति गाउँपालिका- एमाले

मोरङ:-

  1. विराटनगर महानगरपालिका- कांग्रेस
  2. उर्लाबारी नगरपालिका-कांग्रेस
  3. पथरी शनिश्चरे नगरपालिका– एमाले
  4. धनपालथान गाउँपालिका– एमाले
  5. रंगेली नगरपालिका – माओवादी
  6. जहदा गाउँपालिका- संघीय समाजवादी फोरम

सुनसरी

  1. ईटहरी उपमहानगरपालिका — एमाले
  2. धरान नगरपालिका- एमाले
  3. बराह नगरपालिका- एमाले

उदयपुर:-

  1. त्रियुगा नगरपालिका- एमाले
  2. वेलका नगरपालिका-कांग्रेस

रूपन्देही

  1. बुटवल उपमहानगरपालिका- एमाले
  2. सिद्धार्थनगर नगरपालिका- एमाले
  3. लुम्बिनी सांस्कृतिक नगरपालिका -स्वतन्त्र
  4. कोटहीमार्इ गाउँपालिका – एमाले

दाङ

  1. तुल्सीपुर उपमहानगरपालिका- एमाले

बाँके:

  1. कोहलपुर नगरपालिका– एमाले

कन्चनपुर

  • पुनर्वास नगरपालिका- एमाले
  • कृष्णनगर नगरपालिका- एमाले
  1. भिमदत्त नगरपालिका –कांग्रेस
  2. बेलौरी नगरपालिका- माओवादी

कैलाली

  1. धनगढी उपमहानगरपालिका- स्वतन्त्र

 

Share:

© 2017 Setopati Sanchar Pvt. Ltd.