नेकपा एमालेका नेता गोकुल बाँस्कोटाको गृहपालिका काभ्रेको मण्डनदेउपुर नगरपालिकाको मेयरमा एकीकृत समाजवादीका टोकबहादुर तामाङ विजयी भएका छन्।
२०७४ को निर्वाचनमा उनी नेकपा एमालेबाट मेयर निर्वाचित भएका थिए।
तामाङले नेकपा एमालेका विदुरप्रसाद सापकोटालाई पराजित गरेका हुन्।
विजयी तामाङले ९४०६ मत ल्याए। उनको निकटतम प्रतिद्वन्द्वी सापकोटाले ८३५१ मत प्राप्त गरे।
मण्डनदेउपुरमा एकीकृत समाजवादी र नेपाली कांग्रेसबीच गठबन्धन भएको थियो।
उपमेयरमा नेपाली कांग्रेसका विष्णुमणी नेपाल विजयी भएका छन्। उनले ११३०५ मत प्राप्त गरे।
उपमेयरमा पराजित उम्मेदवार एमालेकी सरिता ढकालले ६९२४ मत प्राप्त गरिन्।
-1763886130.jpeg)
-1746009348.jpg)
