रौतहटको चन्द्रपुर नगरपालिकामा नेपाली कांग्रेसका सञ्जयकुमार काफ्ले विजयी भएका छन्। उनले नेकपा एमालेका शिवप्रसाद आचार्यलाई पारजित गरेका हुन्।
काफ्लेले ९१६३ मत ल्याएर जित हात पारेका हुन्। एमालेका शिवप्रसादले ६५२४ मत प्राप्त गरे।
त्यस्तै उपप्रमुखमा पनि नेपाली कांग्रेसकी जयमाला कुमारी चौधरी निर्वाचित भएकी छिन्। उनले ११३७८ मत प्राप्त गरिन्।
उनले नेकपा माओवादी केन्द्रकी देवकी नेपाललाई पराजित गरिन्। देवकीले ७६४० मत प्राप्त गरिन्।
चन्द्रपुरमा २०७४ को निर्वाचनमा पनि नेपाली कांग्रेसले जित हात पारेको थियो। उपमेयर भने नेकपा एमालेले जित हात पारेको थियो।
