नेकपा एमालेले काठमाडौंको बुढानिलकण्ठ नगरपालिकाको मेयर र उपमेयर जितेको छ।
एमाले उम्मेदवार मिठाराम अधिकारी मेयर निर्वाचित भएका छन्। उनले १४२५० मत ल्याएका थिए।
यहाँ नेपाली कांग्रेसका उम्मेदवार विनोद चालिसे पराजित भए। उनले ११५१२ मत ल्याए।
उपमेयरमा पनि एमालेले जितेको छ। एमाले उम्मेदवार अनिता लामा विजयी भइन्। उनले १४३१४ मत ल्याइन्।
कांग्रेसकी उपमेयर उम्मेदवार रमिला वाग्ले ११९७२ मतसहित पराजित भइन्।
०७४ मा बुढानिलकण्ठमा एमालेले नै जितेको थियो। यहाँ दलहरूले चुनावी गठबन्धन गरेका थिएनन्।
एमालेले यसअघि काठमाडौंमा टोखा नगरपालिकामा जितिसकेको छ।
