भक्तपुरको चाँगुनारायण नगरपालिकाको मेयरमा नेपाली कांग्रेसका जीवन खत्री निर्वाचित भएका छन्।
उनले एमालेकी विना बास्तोलालाई पछि पार्दै मेयरमा निर्वाचन हुन सफल भएका हुन्।
खत्रीले ९५५० मत प्राप्त गरेको निर्वाचन आयोगले जनाएको छ। निकटतम प्रतिद्वन्द्वी बास्तोलाले ९१६० मत ल्याइन्।
अघिल्लो निर्वाचनमा एमालेका सोम मिश्र निर्वाचित भएका थिए।
राप्रपाका रविन्द्र प्रताप शाहले ८०६७ मत प्राप्त गरे भने नेपाल मजदुर किसान पार्टीका केशवप्रसाद तिमिल्सिनाले ३२६७ मत ल्याउन सफल भए।
उपमेयरमा एमालेका रमेश बुढाथोकी निर्वाचित भएका छन्। उनले १११०७ मत प्राप्त गरे। निकटतम प्रतिद्वन्द्वी कांग्रेसकी सुभद्रा काफ्लेले ९०८६ मत ल्याइन्।
राप्रपाकी मन्जु कार्कीले ६०८६ मत र मजदुर किसान पार्टीकी कल्पना लामाले ३३७४ मत प्राप्त गरिन्।
