बुटवल उपमहानगरपालिकाको मेयरमा कांग्रेस उम्मेदवार खेलराज पाण्डेयले अग्रता फराकिलो पार्दै लगेका छन्।
उनले अहिलेसम्म १३,४१८ मत पाएका छन् भने उनलाई पछ्याइरहेका नेकपा एमालेका बाबुराम भट्टराईले ८९७२ मत पाएका छन्। पाण्डेय र भट्टराईबीच मतान्तर ४४४६ मतान्तर छ।
राप्रपा उम्मेदवार मृगेन्द्रकुमार शेरचनले २३७४ मत ल्याएका छन्।
उपमेयरमा भने एमाले उम्मेदवारले फराकिलो मतान्तर कायम राखेकी छन्। एमालेकी सावित्रा देवी अर्यालले ९९७८ मत पाएकी छन् भने सत्ता गठबन्धनका उम्मेदवार चिनबहादुर गुरूङले ७२७७ मत ल्याएका छन्। राप्रपाकी भगवती पाण्डेले ३३०७ मत ल्याएकी छन्।
बुटवल उपमहानगरपालिकामा २७,३४४ मतगणना भइसकेको छ।
मतगणना जारी छ।
