दाङको लमही नगरपालिकाको मेयरमा नेपाली कांग्रेसका जोगराज चौधरी निर्वाचित भएका छन्।
जोगराज ९३१७ मतसहित निर्वाचित भएका हुन्। उनका निकटतम प्रतिद्वन्द्वी माओवादी केन्द्रका बसन्त राज शर्माले ७२८५ मत प्राप्त गरे।
अघिल्लो निर्वाचनमा जोगराज ८३ मतले मेयरमा पराजित भएका थिए।
उनलाई एमालेका कुलबहादुर खत्री क्षेत्रीले पराजित गरेका थिए।
तर यसपालि जोगराजले झन्डै २ हजार मतले मेयरमा जित हासिल गरे।
उपमेयरमा पनि कांग्रेसकै लक्ष्मी योगी विजयी भएकी छन्।
उनले ८७३७ मत ल्याएर माओवादी केन्द्रकी गंगा पाण्डेलाई पराजित गरेकी छन्। पाण्डेले ५८४८ मत ल्याएकी छन्।
