पाल्पाको बगनासकाली गाउँपालिकामा नेकपा एमालेकी सरस्वती दर्लामी (चिदी) अध्यक्षमा निर्वाचित भएकी छन्।
उपाध्यक्षमा पनि एमालेकै हरि पाठक विजयी भएका छन्।
गठबन्धनका तर्फबाट नेपाली कांग्रेसबाट र एमाले दुबैले बगनासकालीमा अध्यक्षमा महिला उम्मेदवार बनाएकोमा दर्लामीले नेपाली कांग्रेसकी सुनिता अधिकारीलाई पराजित गरेकी हुन्।
दर्लामीले ६ हजार ४ सय ६६ मत प्राप्त गर्दा कांग्रेसकी अधिकारीले ५ हजार ६ सय ३३ मत प्राप्त गरिन्।
यसैगरी उपाध्यक्षमा एमालेकै पाठकले ५ हजार ८ सय ७३ मत प्राप्त गर्दा गठबन्धनका नेकपा एकीकृत समाजवादीका खिमानन्द पाण्डेय (कमल) ले ४ हजार ७ सय ७८ मत प्राप्त गरेका छन्।
