पर्साको जिराभवानी गाउँपालिकाको अध्यक्षमा नेपाली कांग्रेसका अनोज चौधरी निर्वाचित भएका छन्। उनी ४५६० मतसहित विजयी भएका हुन्।
उनका प्रतिस्पर्धी नेकपा एमालेका रामपृत महतोले ३२९९ मत प्राप्त गरेका छन्। महतो यसअघिको निर्वाचनमा अध्यक्ष निर्वाचित भएका थिए। तर यसपालि उनी २ सय बढी मतले पराजित भएका छन्।
उपाध्यक्षमा पनि कांग्रेसकै रेखा चौधरी विजयी भएकी छन्। रेखाले ४७१० मतसहित एमालेकी उषादेवी थरुनीलाई हराएकी छन्।
थरुनीले जम्मा २९६५ मत पाएकी छन्। उनी यसअघिको निर्वाचनमा भने उपाध्यक्षमा निर्वाचित भएकी थिइन्।
