धनकुटाको सहिदभूमि गाउँपालिकाको अध्यक्षमा एकीकृत समाजवादीका जीतबहादुर राईले अग्रता लिएका छन्।
राईले १४१६ मत ल्याएर अग्रता कायम गरेका हुन्। उनलाई नेकपा एमालेका मनोज राईले ११०९ मतसहित पछ्याइरहेका छन्।
उपाध्यक्षमा भने एमालेका रत्नश्वरी राईले अग्रता लिएकी छन्। उनले १३८१ मत प्राप्त गरेकी छन्।
उनका प्रतिस्पर्धी कांग्रेसका तोर्णबहादुर खड्काले ९७७ मत पाएका छन्।
सहिदभूमिमा कांग्रेस र एकीकृत समाजवादीबीच चुनावी तालमेल रहेको छ।
यसअघिको निर्वाचनमा भने सहिदभूमिको अध्यक्षमा एमालेका मनोज राई विजयी भएका थिए। उनले नेपाली कांग्रेसका तीर्थ राईलाई हराएका थिए।
