काठमाडौं महानगरपालिकाको मेयरमा स्वतन्त्र उम्मेदवारी दिएका बालेन शाहले पछिल्लो मतपरिणाम अनुसार १३२६४ मत ल्याएका छन्।
उनले दोस्रो स्थानमा रहेका एमालेका केशव स्थापितभन्दा ६११८ मत धेरै ल्याएका हुन्।
स्थापितले ७१४६ प्राप्त गरेका छन्।
तेस्रो स्थानमा रहेकी कांग्रेसकी सिर्जना सिंहले ६२८७ मत पाएकी छन्।
वडा नम्बर ३, ४, ५, ६, २९, ३०, ३१ र ३२ को मतगणना भइरहेको छ। अहिलेसम्म ३४ हजार ३ सय ८२ मत गणना भइसकेको छ।
बाँकी सबै वडामा पनि बालेनले सबैभन्दा धेरै मत पाइरहेका छन्।
