बाजुराको बडीमालिका नगरपालिकामा एमाले विजयी भएको छ।
मेयरका उम्मेदवार एमालेका अम्मर खड्काले ४ हजार १९ मत ल्याएर विजयी भएका छन्।
उनका प्रतिस्पर्धी कांग्रेसका धनराज पण्डितले ३ हजार ५ सय ५२ मत पाएर पराजित भए। खड्का ४ सय ६७ बढी मतले विजयी भएका हुन्।
यस्तै, उपमेयर एमालेकी नन्दा थापा ४ हजार २ सय ३३ मत ल्याएर विजयी भएकी छन्।
उनकी प्रतिस्पर्धी कांग्रेसकी राधिका सिंहले ३ हजार ३ सय ५१ मात्रै मत ल्याएर पराजित भइन्। थापाले सिंहभन्दा ८ सय ८२ बढी मत ल्याएर निर्वाचित भइन्।
थापा यसअघि जिल्लामा पत्रकारिता गर्थिन्। उनले यही चुनावमा पत्रकारिता छोडेर निर्वाचनमा उम्मेदवारी दिएकी हुन्।
२०७४ को निर्वाचनमा यहाँ कांग्रेसले जितेको थियो।
