विराटनगर महानगरपालिकामा सत्तारूढ गठबन्धनले अग्रता कायमै राखेको छ।
सार्वजनिक भएको पछिल्लो मत परिणाम अनुसार २२ हजार ५ सय ९५ मतगणनामा गठबन्धनको नेतत्व गर्दै कांग्रेसबाट मेयर उठेका नागेश कोइरालाले ७ हजार १२५ मत ल्याएका छन्।
उनका निकटतम् प्रतिद्वन्द्वी नेकपा एमालेका सागर थापाले ५ हजार ४०६ मत ल्याएका छन्।
यसैगरी, उपमेयरतर्फ नेकपा एमालेकी शिल्पा कार्कीले ६ हजार १७७ मत प्राप्त गरेकी छिन्। गठबन्धनतर्फ जनता समाजवादी पार्टीका अमरेन्द्र यादवले ४ हजार ७७ मत प्राप्त गरेका छन्। उपमेयरमा कार्की यादवभन्दा २ हजार १ सय मतले अगाडि छिन्।
मेयर र उपमेयरमा कोइराला र यादव पाँच दलीय गठबन्धनका उम्मेदवार हुन्। कार्की नेकपा एमालेबाट एकल प्रतिस्पर्धामा छिन्।
पछिल्लो परिणाममा स्वतन्त्रतर्फ मेयरका उम्मेदवार उमेश यादवले २४७१ मत ल्याएका छन्। स्वतन्त्रमै उपमेयरमा नमिता न्यौपानेले १३९१ मत ल्याएकी छिन्।
