बुटवल उपमहानगरपालिकाको मेयरमा कांग्रेस उम्मेदवार खेलराज पाण्डेयले अग्रता फराकिलो पार्दै लगेका छन्।
उनले अहिलेसम्म १०६११ मत पाएका छन् भने उनलाई पछ्याइरहेका नेकपा एमालेका बाबुराम भट्टराईले ७०८२ मत पाएका छन्।
राप्रपा उम्मेदवार मृगेन्द्रकुमार शेरचनले २०६४ मत ल्याएका छन्।
उपमेयरमा भने एमाले उम्मेदवारले फराकिलो मतान्तर कायम राखेकी छन्। एमालेकी सावित्रा देवी अर्यालले ७८८३ मत पाएकी छन् भने सत्ता गठबन्धनका उम्मेदवार चिनबहादुर गुरूङले ५६८२ मत ल्याएका छन्। राप्रपाकी भगवती पाण्डेले २६८५ मत ल्याएकी छन्।
मतगणना जारी छ।
