जाजरकोटको कुसे गाउँपालिकाको अध्यक्ष र उपाध्यक्ष नेपाली कांग्रेसका उम्मेदवारले जितेका छन्।
अध्यक्षमा हरिचन्द्र बस्नेत र उपाध्यक्षमा देविकाकुमारी सिंहले जितेका हुन्।
बस्नेतले ३४२३ मत ल्याए भने सिंहले ३५८७ मत ल्याएकी छन्।
अध्यक्षमा बस्नेतले नेकपा एकीकृत समाजवादीका उम्मेदवार तप्तबहादुर हमाललाई पराजित गरे। हमालले ३१८२ मत ल्याएका छन्।
यस्तै उपाध्यक्षमा सिंहले नेकपा माओवादी केन्द्रका विकास रोकायलाई हराए। रोकायले २९१८ मत ल्याएका छन्।
यहाँ माओवादी-एकीकृत समाजवादीबीच चुनावी गठबन्धन भएको थियो।
