सिन्धुपाल्चोकको बाह्रविसे नगरपालिकामा नेपाली कांग्रेसका उम्मेदवारले मेयर जितेका छन्।
कांग्रेस उम्मेदवार बालकृष्ण बस्नेतले ७७२८ मत ल्याएर जितेका हुन्। यहाँ नेकपा एमालेका मेयर उम्मेदवार निमफून्जो शेर्पा पराजित भएका छन्। उनले पाँच हजार चार सय ३३ मत ल्याएका छन्।
यस्तै उपमेयर पनि कांग्रेसले जितेको छ। मन्जु तामाङले उपमेयर जितिन्। उनले ६९७७ मत ल्याएकी छन्।
यहाँ एमाले उम्मदेवार सुशीला पाख्रिनले पाँच हजार नौ सय ९० मत ल्याएकी थिइन्।
यस्तै सिन्धुपाल्चोककै भोटेकोसी गाउँपालिकामा नेपाली कांग्रेसका उम्मेदवार पासाङ नुर्पु शेर्पाले अध्यक्ष जितेका छन्। उनले २६०५ मत ल्याएका छन्।
यहाँ एमालेका अमृतकुमार खड्का पराजित भए। उनले २०४८ मत ल्याए।
उपाध्यक्षमा कांग्रेसकै दिछेन शेर्पाले जितेकी छन्। उनले २७१२ मत ल्याइन्। यहाँ एमाले उम्मदेवार सुन्तलीमाया श्रेष्ठ पराजित भइन्। उनले २५५३ मत ल्याइन्।
