बाजुराको खप्तड छेडेदह गाउँपालिकामा अध्यक्ष पदमा एमालेका उम्मेदवार दिलबहादुर रावत र उपाध्यक्षमा कांग्रेसका उम्मेवार विसुदेवी नाथ विजयी भएका छन्।
एमाले उम्मेदवार रावतले कांग्रेका खड्कबहादुर बुढालाई पराजित गरेका हुन्।
रावतले ३ हजार ७ सय ४७ मत पाएका छन्। बुढाले ३ हजार ५ सय ५८ मत पाएका छन्।
यस्तै उपाध्यक्षमा कांग्रेस उम्मेदवार विशुदेवी नाथले एमाले उम्मेदवार मनदेवी कुमारी खड्का (ओली) लाई पराजित गरेकी हुन्।
नाथले ३ हजार ६ सय ४२ मत प्राप्त गरेकी छिन् भने ओलीले ३ हजार ५ सय ९४ मत प्राप्त गरिन्।
खप्तड छेडेदह गाउँपालिका विगतदेखि नै कांग्रेसको गढ मानिदै आएको क्षेत्र हो।
७ वटा वडा रहेको यस गाउँपालिकामा कांग्रेसले ५ वटा वडामा वडाध्यक्ष पदमा जितेको छ भने एमालेले २ वटा वडामा जितेको छ।
