काठमाडौंको शंखरापुर नगरपालिकामा सत्ता गठबन्धनका तर्फबाट मेयर उम्मेदवार नेकपा एकीकृत समाजवादीका लक्ष्मीप्रसाद श्रेष्ठले अग्रता लिएका छन्।
रोचक बनेको मतगणनाको पछिल्लो विवरण अनुसार ११ हजार ८ सय ८१ मत गणनामा श्रेष्ठले२८२२ मत पाएका हुन्। उनलाई राप्रपाका रमेश नापितले २८२१ मत ल्याएर पछ्याइरहेका छन्। उनी श्रेष्ठभन्दा १ मतले पछि परेका छन्।
नेकपा एमालेका उम्मेदवार कृष्णलाल बजगाईँले २६३८ मत ल्याएर पछ्याइरहेका छन्।
उपमेयरतर्फ सत्ता गठबन्धनकी उम्मेदवार नेपाली कांग्रेसकी समिता श्रेष्ठले ४४३२ मत पाएकी छन्। उनलाई राप्रपाकी विजयकुमारी वाइवाले २०३४ मत पाएर पछ्याइरहेकी छन्।
