अछामको चौरपाटी गाउँपालिकाकाे अध्यक्ष र उपाध्यक्षमा नेपाली कांग्रेसका उम्मेदवार विजयी भएका छन्।
अध्यक्षमा भीमबहादुर साउदले नेकपा एमालेका रामबहादुर आउजीलाई हराउँदै विजयी भएका हुन्।
साउदले तीन हजार ९ सय ८२ मत ल्याएर विजयी भए। आउजीले दुई हजार ५०६ मत मात्रै पाए।
यस्तै साउदसँगै निवर्तमान अध्यक्ष एकीकृत समाजवादीका हर्कबहादुर साउदले एक हजार ४ सय ७४ मत प्राप्त गरेका छन्।
यस्तै उपाध्यक्षमा कांग्रेसकी सरुदेवी खड्का निर्वाचित भएकी छिन्। खड्काले तीन हजार ७ सय ३४ मत ल्याएर विजयी हुँदा उनका प्रतिद्वन्द्वी एमालेकी अनिता खड्काले दुई हजार ४९१ मत र गठबन्धनबाट माओवादीका जीवनबिक्रम साउदले १ हजार ७ सय ६३ मत प्राप्त गरेका छन्।
अघिल्लो पटक एमालेबाट हर्क साउद निर्वाचित भएका थिए।
