गोरखाको शहिदलखन गाउँपालिका अध्यक्षमा नेकपा माओवादी केन्द्रका उम्मेदवार रमेश थापा मगर निर्वाचित भएका छन्।
उनले ५४७४ मतसहित गाउँपालिका अध्यक्ष जितेका हुन्।
यहाँ नेपाली कांग्रेसका उम्मेदवार नारायणप्रसाद लामिछानेले ४४३२ मत ल्याएका थिए।
उपाध्यक्षमा माओवादीकै उम्मेदवार इन्दिरा तिवारी निर्वाचित भइन्।
उनले ४९९६ मत ल्याएकी छन्। यहाँ कांग्रेसकी उम्मेदवार शर्मिला श्रेष्ठले ४४३२ मत मात्रै ल्याइन्।
०७४ मा पनि यहाँ माओवादीबाट थापा र तिवारीले जितेका थिए। उनीहरूले दोस्रो कार्यकाल पनि जितेका हुन्।
