घोराही उपमहानगरपालिकाको मेयर पदका उम्मेदवार नरूलाल चौधरीले मतान्तर बढाउँदै लगेका छन्।
पछिल्लो मत परिणामअनुसार नेकपा एमालेका पोलिटब्यूरो सदस्य तथा यसअघिका मेयरसमेत रहेका चौधरीले १३००१ मत प्राप्त गरेका छन्।
उनका प्रतिस्पर्धी गठबन्धनबाट उम्मेदवार बनेका नेकपा माओवादी केन्द्रका केन्द्रीय सदस्य हेमराज शर्मा (डायमण्ड)ले १११७४ मत प्राप्त गरेका छन्। सुरूदेखि नै शर्माले चौधरीलाई लिड गर्दै आएको भए पनि पछिल्लो समय चौधरीले मतान्तर बढाउँदै लगेका छन्।
उनीहरूको बीचको मतान्तर १८२८ रहेको छ।
त्यस्तै उपमेयरमा नेकपा एमालेकी हुमाकुमारी डिसीले १२५२२ मत प्राप्त गरेकी छन्। गठबन्धनबाट नेपाली कांग्रेसका उम्मेदवार भुपबहाडुर डाँगीले १२४५० मत पाएका छन्। उनीहरू बीचको मतान्तर ७२ मात्रै हो। कांग्रेसका भुपबहादुरले एमालेकी हुमासँगको मतान्तर भने घटाउँदै लगेको देखिएको छ।
