इलामको सन्दकपुर गाउँपालिकामा नेपाली कांग्रेसका उम्मेदवार तुलाराम गुरूङ विजयी भएका छन्।
उनका निकटतम प्रतिद्वन्द्वी नेकपा एमालेका उमेदवार उदय राई पराजित भएका छन्।
कांग्रेसका गुरूङले निवर्तमान गाउँपालिका अध्यक्ष राईलाई पराजित गरेका हुन्।
गुरूङले चार हजार दुई सय २३ मत प्राप्त गर्दा एमालेका राईले तीन हजार दुई सय ५८ मत प्राप्त गरेका छन्।
उपाध्यक्षमा एकीकृत समाजवादीका हरि लुङ्गेली निर्वाचित भए।
उनले एमालेकी उमेदवार तुलसादेवी सेडाईलाई छ सय ५१ मतान्तरले हराएका हुन्।
लुङ्गेली तीन हजार ६३७ मत प्राप्त गर्दा सेढाईले दुई हजार ९८६ मत प्राप्त गरेकी थिइन्।
