बाजुराको गौमुल गाउँपालिकाको अध्यक्षमा एमालेका उम्मेदवार हरिबहादुर रोकाया र उपाध्यक्षमा सीता रोकाया (थापा) विजयी भएका छन्।
२०७४ को स्थानीय चुनावमा पनि अध्यक्ष र उपाध्यक्षमा यी दुबै जना विजयी भएका थिए।
हरिबहादुर रोकायाले ३ हजार ४ सय ३४ मत ल्याएका छन्। उनका निकटतम प्रतिस्पर्धी नेपाली कांग्रेसका हिरेन्द्रबहादुर रोकायाले १ हजार ४ सय ७० मत ल्याएर पराजय भए। त्यस्तै उपाध्यक्षमा सीताले ३ हजार १ सय ९४ मत प्राप्त गरिन्। कांग्रेसकी उम्मेदवार उमा रोकायाले १ हजार ७ सय ४४ मत ल्याएर पराजित भइन्।
अघिल्लो चुनावमा सीता रोकाया थापाले २ हजार २ सय १ र कांग्रेसकी उमा रोकायाले १५ सय १० मत ल्याएकी थिइ्न। सीता र उमा २०७४ पनि सँगै चुनाव लडेका थिए। गौमुल गाउँपालिकामा ६ वटै वडामा नेकपा एमालेले विजयी हासिल गरेको छ।
