बझाङको दुर्गाथली गाउँपालिकाको अध्यक्षमा नेकपा माओवादी केन्द्रका उम्मेदवार दिलबहादुर थापा विजयी भएका छन्।
उनी सत्तागठबन्धनबाट संयुक्त उम्मेदवार थिए।
२ हजार ८ सय ३४ मतले ल्याएर उनले गाउँपालिका अध्यक्ष जितेका हुन्।
यस्तै उपाध्यक्षमा नेपाली कांग्रेसका जनक दौल्याल २ हजार ८ सय ३४ मतसहित विजयी भएका छन्।
यहाँ अध्यक्षमा नेकपा एमालेका उम्मेदवार दलबहादुर धामीले १ हजार ८ सय १६ मत र उपाध्यक्षमा सारदा विकले १ हजार ८ सय २ मत मात्रै प्राप्त गरेका छन्।
०७४ मा यहाँ एमालेले गाउँपालिका अध्यक्ष जितेको थियो।
