भोजपुरको रामप्रसाद राई गाउँपालिका अध्यक्षमा गठबन्धनबाट उम्मेद्वार बनेका माओवादी केन्द्रका थामबहादुर राई विजयी भएका छन्। यहाँ माओवादी र कांग्रेससहितको गठबन्धन थियो।
उनले ३०७७ मत ल्याएर विजय हासिल गर्दा उनका प्रतिष्पर्धी एमालेका बलराम राईले २८५१ मत पाएका छन्।
गाउँपालिका उपाध्यक्षमा नेपाली कांग्रेसका वीरेन्द्र राई निर्वाचित भएका छन्। उनले ३५७७ मत पाएर जित्दा उनका प्रतिष्पर्धी एमालेकी कमलादेवी राईले २२१४ मत प्राप्त गरेकी थिइन्।
रामप्रसाद राई गाउँपालिकाको वडाहरूमध्ये १ मा माओवादीका जोगेन्द्र राई, २ मा स्वतन्त्रका राजकुमार तामाङ, ३ मा माओवादीका रामु थापा मगर, ४ मा माओवादीका बाबुकुमार राई, ५ मा एमालेका जगतबहादुर चौहान , ६ मा एमालेका एकराज आचार्य, ७ मा एमालेका मनकाजी राई र ८ मा एमालेकै बाजकुमार राई निर्वाचित भएका छन्।
अघिल्लो पटक यहाँ मएमालेले जितेको थियो।
