घोराही उपमहानगरपालिकामा नेकपा एमालेका मेयर र उपमेयरका दुबै उम्मेदवारले गठबन्धनका उम्मेदवारलाई उछिनेका छन्।
पछिल्लो मतपरिणाम अनुसार नेकपा एमालेका मेयर पदका उम्मेदवार नरूलाल चौधरी ११४६० र उपमेयरकी उम्मेदवार हुमा डिसीले १११३८ मत प्राप्त गरेका छन्।
यहाँ गठबन्धनका उम्मेदवार नेकपा माओवादी केन्द्रका हेमराज शर्मा (डायमण्ड) ले १०२४१ र उपमेयरका उम्मेदवार नेपाली कांग्रेसका भुपबहादुर डाँगीले १०९४८ मत प्राप्त गरेका छन्।
एमालेका मेयरका उम्मेदवार नरुलाल माओवादीका मेयर उम्मेदवार शर्मा भन्दा १२१९ मतले अगाडि छन भने एमालेकै उपमेयरकी उम्मेदवार डिसी कांग्रेसका डाँगीभन्दा १९० मतले अगाडि रहेकी छन्।
घोराहीमा गठबन्धनका मेयर र उपमेयर पदका उम्मेदवारले निरन्तर अग्रता लिँदै आएको भए पनि पछिल्लो मत परिणाममा उनीहरू पडाडि परेका हुन्।
घोराही उपमहानगरपालिकामा ७६ हजार ५ सय २१ मत खसेको छ।
