सोलुखुम्बुको माप्य दूधकोशी गाउँपालिका अध्यक्षमा एमाले र उपाध्यक्षमा माओवादी केन्द्रका उम्मेदवार विजयी भएका छन्।
अध्यक्षमा एमालेका बुद्धिकिरण राई ३३४३ मत ल्याएर विजेता बन्दा उनका प्रतिष्पर्धी कांग्रेसका चन्द्रबहादुर राईले २९९७ मत पाएका छन् ।
उपाध्यक्षमा माओवादीका गौरव राई ३०७७ मत ल्याएर जितेका छन्। उनका प्रतिष्पर्धी एमालेकी जुनिता माया मगर ३०३९ मत पाइन्।
गाउँपालिकाको वडा नम्बर १ मा माओवादीका सज्जन राई, २ मा एमालेका चन्द्रबहादुर राई, ३ मा एमालेकै अमित राई, ४ मा माओवादीका भक्तबहादुर राई, ५ मा कांग्रेसका अविरल वाइवा, ६ मा कांग्रेसका रामप्रसाद मगर र ७ मा एमालेका शबुजित राई वडाध्यक्षमा निर्वाचित भएका छन्।
