भोजपुरको अरूण गाउँपालिकाको अध्यक्षमा नेपाली कांग्रेसका शालिकराम खत्री निर्वाचित भएका छन्। खत्री २८८७ मतसहित निर्वाचित भएका हुन्।
निकटतम प्रतिद्वन्दी नेकपा एमालेका नारायणप्रसाद अधिकारीले २४२४ मत ल्याएका छन्। यस्तै माओवादी केन्द्रका डिल्ली राम अधिकारी १८२७ मतसहित तेस्रो स्थानमा छन्।
उपाध्यक्षमा पनि कांग्रेसकै बिनिता ढकाल निर्वाचित भएकी छन्। उनले ३००० मत पाएकी छन्। ढकालले एमालेकी कविता राईलाई पराजित गरेकी हुन्। राईले २५४४ मत प्राप्त गरेकी छन्।
यसअघिको निर्वाचनमा पनि कांग्रेसका गजेन्द्रबहादुर कार्की विजयी भएका थिए। उपाध्यक्षमा भने यसपालि निर्वाचित भएकै ढकालले जितेकी थिइन्।
