हेटौंडा उपमहानगरपालिकामा सत्ता गठबन्धनबाट नेकपा एकीकृत समाजवादीकी मेयर उम्मेदवार मिना लामाले अग्रता बढाएकी छन्।
पछिल्लो मतगणनाअनुसार उनले आफ्ना प्रतिस्पर्धीभन्दा ४५ मत बढी ल्याएर अग्रता लिएकी छन्।
हालसम्म १२१९२ मत गणना हुँदा लामाले ३६९५ मत ल्याएकी छन् भने राष्ट्रिय प्रजातन्त्र पार्टी (राप्रपा) मेयर उम्मेदवार दिपकबहादुर सिंहले ३६५० मत ल्याएर उनलाई पछ्याइरहेका छन्।
यो उपमहानगरमा एमालेका मेयर उम्मेदवार अनन्त पौडेल भने ३२१४ मत ल्याएर तेस्रो स्थानमा छन्।
