म्याग्दीको रघुगंगा गाउँपालिकाको अध्यक्ष र उपाध्यक्ष पदमा नेपाली कांग्रेसका उम्मेदवार विजयी भएका छन्।
कांग्रेसका भवबहादुर भण्डारीले ४०३८ मत ल्याएर गाउँपालिका अध्यक्ष र प्रेमकुमारी पुनले ३३६४ मत ल्याएर उपाध्यक्षमा निर्वाचित भएका हुन्।
भण्डारी यसअघि पनि गाउँपालिका अध्यक्ष थिए।
अध्यक्षमा एमाले उम्मेदवार प्रेमबहादुर कार्कीले ३२८९ र नेकपा माओवादी केन्द्रकी मीना विकले ९९५ मत पाएका छन्।
त्यस्तै उपाध्यक्ष उम्मेदवार एमालेकी यामकुमारी गर्बुजाले ३२४५ र माओवादी केन्द्रका रिमबहादुर कटुवालले १७८३ मत पाएका छन्।
