डडेलधुराको नवदुर्गा गाउँपालिकाको अध्यक्षमा नेपाली कांग्रेसका लक्ष्मीप्रसाद अवस्थी विजयी भएका छन्। अवस्थीले २८७९ मत ल्याउँदै जित हासिल गरेका हुन्।
उनका निकटतम प्रतिद्वन्द्वी एकिकृत समाजवादीका कवीन्द्रबहादुर बिष्टले २६०६ मत ल्याए।
नेपाली कांग्रेस (बीपी) का गोकुलबहादुर शाहीले १३८५ मत प्राप्त गरे।
२०७४ को निर्वाचनमा अवस्थीलाई बिष्टले हराएका थिए। त्यतिबेला बिष्ट एमालेबाट अध्यक्षमा निर्वाचित भएका थिए।
उपाध्यक्षमा कांग्रेसकी निर्मलाकुमारी बोगटी निर्वाचित भइन्। उनले ३२०८ मत प्राप्त गरिन्।
निकटतम प्रतिद्वन्द्वी एकिकृत समाजवादीकी चन्द्रादेवी रुपालीले २३६७ मत प्राप्त गरिन्।
