रसुवाको गोसाईकुण्ड गाउँपालिकाको अध्यक्षमा एमालेका कैसाङ नुर्पु तामाङ विजयी भएका छन्।
उनी कांग्रेसका पेम्वा छिरिङ तामाङलाई पछि पार्दै निर्वाचित भएका हुन्।
कैसाङले २५६३ मत प्राप्त गरे। कांग्रेसका पेम्वाले २०८० मत ल्याए।
उपाध्यक्षमा एमालेकै प्रतिमा तामाङ विजयी भइन्। उनले २५४५ मत प्राप्त गरिन्। कांग्रेसकी देकी तामाङले २०८८ मत ल्याइन्।
६ वडा रहेको यो गाउँपालिकामा एमालेले १, ३, ५ र ६ नम्बर वडामा वडा अध्यक्ष जितेको छ।
कांग्रेसले २ र ४ नम्बर वडामा वडा अध्यक्ष जितेको छ।
अघिल्लो निर्वाचनमा पनि अध्यक्षमा कैसाङ विजयी भएका थिए।
