अघिल्लो निर्वाचनमा एमालेले जितेको कास्कीको माछापुच्छ्रे गाउँपालिका अध्यक्ष र उपाध्यक्ष दुवैमा यसपालि कांग्रेस विजयी भएको छ।
माछापुच्छ्रेका अध्यक्षमा मिनबहादुर गुरुङ र उपाध्यक्षमा सीता अधिकारी विजयी भएका छन्।
अध्यक्ष गुरुङले ७०९९ मत ल्याउँदा उपाध्यक्ष अधिकारीले ६३७६ मत प्राप्त गरेकी छन्।
यसअघिको निर्वाचनमा भने एमालेका कर्णबहादुर गुरुङ अध्यक्षमा निर्वाचित भएका थिए।
उपाध्यक्षमा समेत एमालेकै कृष्णकुमारी पौडेल दवाडी विजयी भएकी थिइन्।
यसपल्ट भने दुवै पदमा परिणाम उल्ट्याउँदै कांग्रेसले जितेको हो।
