तेह्रथुमको फेदाप गाउँपालिकाको अध्यक्षमा नेपाली कांग्रेसका केशवप्रसाद भेटवाल निर्वाचित भएका छन्।
उनले नेकपा एमालेका हरिप्रसाद चोङवाङ लिम्बूलाई पछि पार्दै अध्यक्ष जितेका हुन्।
अघिल्लो निर्वाचनमा अध्यक्षमा यी दुई जनाबीच नै प्रतिस्पर्धा भएको थियो।
जसमा लिम्बूले २ सय बढी मतले भेटवाललाई हराउँदै अध्यक्ष जितेका थिए। तर यसपालि एमालेका हरिप्रसादलाई ५६ मतले पछि पार्दै केशवप्रसाद अध्यक्ष बनेका छन्।
उपाध्यक्षमा पनि कांग्रेसकै सुनिता पहीम विजयी बनेकी छन्। उनले ३९८५ मत पाएकी छन्।
निकटम प्रतिद्वन्दी एमालेकी गीतादेवी थापाले ३७२५ मत ल्याइन्। यसअघिको निर्वाचनमा भने गीतादेवी थापा उपाध्यक्षमा निर्वाचित भएकी थिइन्।
