दैलेखको भैरवी गाउँपालिकाको अध्यक्ष र उपाध्यक्ष दुवै पद महिलाले जितेका छन्। दुवै उम्मेदवार नेपाली काँग्रेसका हुन्।
गाउँपालिकाको अध्यक्षमा नेपाली काँग्रेसका रिताकुमारी शाही र उपाध्यक्षमा देवी भण्डारी निर्वाचित भएका छन्।
अध्यक्षमा कांग्रेसकी शाहीले ३ हजार ९७६ मत ल्याएकी छन् भने उनका निकटतम प्रतिद्वन्द्वी नेकपा एमालेका सर्वराज महताराले ३ हजार ९६० मत ल्याएर पराजित भएका छन्।
उपाध्यक्षमा निर्वाचित कांग्रेसकी देवी भण्डारीले ३ हजार ३७४ मत ल्याएकी छन्। उनकी निकटम प्रतिद्वन्द्वी एमालेकी पदमकुमारी विष्टले ३ हजार २ सय २७ मत ल्याएकी छन्।
यस्तै भैरवी गाउँपालिकाको वडा नम्बर १ मा एमालेका डम्बरबहादुर कार्की, २ मा कांग्रेसका मिनबहादुर थापा, ३ मा कांग्रेसका भक्तिप्रसाद उपाध्याय, ४ मा स्वतन्त्र उम्मेदवार चक्रप्रसाद शर्मा, ५ मा एमालेका रत्नबहादुर थापा, ६ मा एमालेका तुलबहादुर हमाल र ७ मा एमालेकै छविराम आचार्य निर्वाचित भएका छन्।
