बैतडीको पन्चेश्वर गाउँपालिका अध्यक्षमा नेकपा एमालेका गोरखबहादुर चन्द विजयी भएका छन्। उनले नेपाली कांग्रेसका रमेश सिंह भण्डारीलाई पराजित गरेका हुन्। पन्चेश्वरमा कांग्रेस र एकीकृत समाजवादीबीच गठबन्धन भएको थियो।
चन्दले ३ हजार ७ सय २८ मत प्राप्त गरे भने पराजित भएका भण्डारीले २ हजार ४ सय ८८ मत प्राप्त गरे।
गाउँपालिकाको उपाध्यक्षमा पनि एमालेकी विना भट्ट विजयी भएकी छिन्। उनले नेकपा एकीकृत समाजवादी पार्टीका राजेन्द्रबहादुर चन्दलाई पराजित गरेकी हुन्। भट्टले ३ हजार ६४ मत प्राप्त गरिन्। गठबन्धनका उम्मेदवार चन्दले २५०० मत प्राप्त गरे।
