गोरखाको अजिरकोट गाउँपालिकाको अध्यक्षमा माओवादी केन्द्रका दीपक देवकोटा विजयी भएका छन्। देवकोटा ३७८७ मतसहित विजयी भएका हुन्।
उनले नेपाली कांग्रेसका गोविन्दबहादुर गुरूङलाई पछि पारेका हुन्।
यसअघिको निर्वाचनमा देवकोटा कांग्रेसका फणिन्द्रप्रसाद धितालसँग पराजित भएका थिए। तर यसपटक उक्त परिणामलाई उल्ट्याउँदै देवकोटा अध्यक्षमा चुनिएका छन्।
उपाध्यक्षमा पनि माओवादी केन्द्रकी अनिता भुजेल निर्वाचित भएकी छन्। उनले कांग्रेसकी ईन्द्र गुरूङलाई पछि पारेकी हुन्।
