स्याङ्जाको हरीनास गाउँपालिकाको अध्यक्षमा नेकपा एमालेका खिमनारायण मानन्धर विजयी भएका छन्।
उनी ४ हजार ७ सय ६९ मतका साथ अध्यक्षमा दोस्रो पटकका लागि निर्वाचन भएका हुन्।
उनले अघिल्लो पटक कांग्रेसका देवकुमार मानन्धरलाई पराजित गरेका छन्।
यसपटक उनले कांग्रेसका टोपबहादुर भुजेललाई ३७ मतान्तरले हराए। भुजलले ४ हजार ७ सय ३२ मत प्राप्त गरे।
उपाध्यक्षमा पनि एमालेकी इन्द्रकुमारी थापा राना विजयी भइन्।
उनले २४ मतले कांग्रेसकी मिठु लम्साललाई पराजित गरिन्। इन्द्रकुमारीले ४ हजार ७ सय ४० मत र मिठुले ४ हजार ७ सय १६ मत प्राप्त गरे।
