सूर्यविनायक नगरपालिकामा कांग्रेसले अग्रता लिएको छ। कांग्रेसका मेयर उम्मेदवार निशान ढुंगेलले १६२६ मतले अग्रता लिएका हुन्।
कांग्रेसका निकट प्रतिद्वन्द्वी एमालेका उम्मेदवार बासुदेव थापाले १३४८ मत ल्याएका छन्।
त्यसैगरी राष्ट्रिय प्रजातन्त्र पार्टीको ५६७ मत छ।
निर्वाचन अधिकृत सरिताकुमारी खतिवडाका अनुसार हालसम्म वडा नम्बर १ को मात्र मत गणना भएको छ। एमालेका सानुकाजी कायस्थ उक्त वडाबाट वडाअध्यक्षमा विजयी भइसकेका छन्।
अहिले वडा नम्बर २ को मत गणना भइरहेको छ। उक्त वडामा भने एमालेले अग्रता लिइरहेको छ। हालसम्म ६ सय मत गणना हुँदा एमालेको ३३३ मत छ भने कांग्रेसको १८९ मत छ।
* यो समाचारको शीर्षकमा पहिले अर्कै नगरपालिका पर्न गएकाले सच्याइएको छ।
