तेह्रथुमको मेन्छ्यायेम गाउँपालिकाको अध्यक्षमा नेकपा एमालेका यादवबहादुर खापुङ निर्वाचित भएका छन्।
अध्यक्षमा निर्वाचित खापुङले २०५५ मत ल्याएर विजयी भएका हुन्।
उनका प्रतिद्वन्द्वी नेपाली कांग्रेसका धनकुमार लिम्बुलाई ३४ मतले पछि पार्दै खापुङले विजय हासिल गरेका हुन्।
लिम्बुले २०२१ मत प्राप्त गरे।
निर्वाचन अधिकृत ध्रुव कार्कीका अनुसार उपाध्यक्षमा भने नेपाली कांग्रेसकी गीतादेवी तिम्सिना निर्वाचित भएकी छन्। उनले १९८६ मत प्राप्त गरी एमाले उम्मेदवार प्रेमलता घिमिरेलाई १२ मतले पराजित गरिन्।
घिमिरेको मत १९७४ छ।
अध्यक्ष र उपाध्यक्षमा निर्वाचित भएका दुवै जना यसअघि पनि अध्यक्ष र उपाध्यक्ष थिए। दुवैले दोस्रो पटक फरक दलबाट चुनाव जितेका हुन्।
