उदयपुरको लिम्चुङबुङ गाउँपालिकाको अध्यक्षमा माओवादी केन्द्रका मेजरकुमार राई निर्वाचित भएका छन्। मेजरकुमार राई यसअघिको निर्वाचनमा पनि अध्यक्ष निर्वाचित भएका थिए।
राई २०५१ मतसहित विजयी भए। उनका निकटम प्रतिद्वन्द्वी नेकपा एमालेका राजकुमार राईले १५८९ मत पाए।
उपाध्यक्षमा भने नेपाली कांग्रेसका पुष्पलाल राई निर्वाचित भएका छन्।
उनले १९३३ मत ल्याए भने एमालेकी देवकुमारी कार्कीले एक हजार ७३ मत ल्याइन्।
लिम्चुङबुङमा माओवादी केन्द्र र नेपाली कांग्रेसबीच गठबन्धन रहेको थियो।
