उदयपुरको लिम्चुङबुङ गाउँपालिका अध्यक्षमा नेकपा माओवादी केन्द्रका उम्मेदवार मेजरकुमार राई निर्वाचित हुने निश्चित भएका छन्।
राईले नेकपा एमालेका उम्मेदवार राजकुमार राईलाई ४०० मतले पछि पारेका छन्।
गाउँपालिकामा अब २०० मत गन्न बाँकी छ। मेजरकुमार ४०० मतले अगाडि रहेकाले उनी निर्वाचित भएको भन्दै अबिरमाला पनि सुरू भइसकेको छ। निर्वाचन कार्यालयले अन्तिम मतपरिणाम भने औपचारिक रूपमा सार्वजनिक गरिसकेको छैन।
गाउँपालिकाको उपाध्यक्षमा नेपाली कांग्रेसका उम्मेदवार पुष्पलाल राई निर्वाचित भएका छन्।
उनले एमाले उम्मेदवार देवकुमारी कार्कीलाई पराजित गरेका हुन्। गाउँपालिकामा कांग्रेस र माओवादीसहितको गठबन्धन थियो।
