हेटौंडा उपमहानगरपालिकामा नेकपा एकीकृत समाजवादीले ५ मतले अग्रता लिएको छ। सत्ता गठबन्धनको तर्फबाट नेकपा एकीकृत समाजवादीकी मिनाकुमारी लामाले ८ सय मत ल्याएकी छन्।
एमाले उम्मेदवार अनन्त पौडेलले ७ सय ९५ मतसहित पछ्याएका छन्। राप्रपाका दिपक सिंहले ७ सय ४४ मत ल्याएका छन्।
अहिलेसम्म २ हजार ६ सय ९५ मत गणना भएको मुख्य निर्वाचन अधिकृत डिल्लीरत्न श्रेष्ठले सेतोपाटीलाई जानकारी दिए।
उपमेयरमा नेपाली कांग्रेसका राजेश बानियाँले १ हजार १ सय ७८ मत ल्याएका छन्। एमालेकी सुमित्रा काफ्लेले ९ सय ५६ मत ल्याएकी छन् भने राप्रपाकी इन्दिरा न्यौपानले १ सय ३५ मत पाएकी छन्।
