काठमाडौँको चन्द्रागिरि नगरपालिकामा नेकपा (एमाले) ले अग्रता लिएको छ।
दुई हजार ५०० मत गणना हुँदा नेकपा (एमाले)का उम्मेदवार उत्तमबहादुर राउतले ९४० मतका साथ अग्रता लिएका हुन्।
उनका निकटतम प्रतिद्वन्द्वी गठबन्धनको तर्फबाट नेपाली कांग्रेसका उम्मेदवार घनश्याम गिरीले ८२९ मत प्राप्त गरेका छन्।
उपप्रमुखमा पनि नेकपा (एमाले) कै उम्मेदवार बसन्ती श्रेष्ठले ९६५ मत प्राप्त गरेकी छन्।
गठबन्धनको तर्फबाट राष्ट्रिय जनमोर्चाका उम्मेदवार रोशन दानीले १४८ मत प्राप्त गरेका छन्।
कूल १५ वडा रहेको चन्द्रागिरिमा अहिले वडा नम्बर १ र २ को मतगणना भइरहेको छ। कूल ४७ हजार २६४ मतदाता रहेको उक्त वडामा ३६ हजारभन्दा बढी मत खसेको थियो।
*यसअघि तस्बिर अन्यथा परेकोले सच्याइएको छ।
