सिन्धुपाल्चोकको चौतारा साँगाचोकगढी नगरपालिकाको मेयरमा एमालेले अग्रता लिएको छ।
वडा नम्बर १, २ र ३ को १७ सय मत गन्दा एमालेका इन्द्रबहादुर नेपालले ५७१ मत प्राप्त गरेका छन्।
माओवादी केन्द्रका उम्मेदवार कृष्णप्रसाद सापकोटा दोस्रो स्थानमा छन्। उनले ५०३ मत प्राप्त गरेका छन्।
कांग्रेसका केशवराज गिरीले ३७० मत प्राप्त गरेका छन्।
उपमेयरमा पनि एमालेको अग्रता छ। एमालेकी बालकुमारी सापकोटाले ५७४ मत ल्याएकी छिन्।
माओवादी र समाजवादीबीच गठबन्धन भएको यो नगरपालिकमा समाजवादीकी उपमेयर उम्मेदवार सीता थापा दोस्रो स्थानमा छिन्। उनले ४२४ मत ल्याएकी छिन्।
कांग्रेसकी तुल्सीकुमारी श्रेष्ठले ३७३ मत प्राप्त गरेकी छिन्।
