मुस्ताङको लोमन्थाङ गाउँपालिकाको अध्यक्षमा एमालेका उम्मेदवार विजयी भएका छन्। एमालेका टसी न्हर्वु गुरुङले कांग्रेसका टसी गुरुङलाई हराउँदै अध्यक्षमा जित हासिल गरेका हुन्।
न्हुर्वुले ६ सय ६८ मत प्राप्त गरे। उनका निकटतम प्रतिद्वन्द्वी नेपाली कांग्रेसका ५ सय १४ मत ल्याए।
उपाध्यक्षमा पनि एमालेकै छ्युमी बिष्ट गुरुङ निर्वाचित भएकी छन्। उनी ६ सय २७ मत पाउँदै निर्वाचित भएकी हुन्।
उपाध्यक्षमा कांग्रेसकी छिरिङ ढिकाले ५ सय २९ मत पाइन्।
यसअघि २०७४ सालमा नेपाली कांग्रेस सुर्वणकुमार विष्टले जित हात पारेका थिए। त्यतिबेला उनले एमाले पासाङ गुरुङलाई झन्डै दोब्बर मतले पराजित गरेका थिए।
