उदयपुरको बेलका नगरपालिकामा नेपाली कांग्रेसको सुरूआती अग्रता
उदयपुरको बेलका नगरपालिकामा नेपाली कांग्रेसले सुरूआती अग्रता लिएको छ। पाँच सय बढी मत गणना गरिसक्दा नेपाली कांग्रेसका मेयर उम्मेदवार अशोक कार्कीले २ सय २७ मत पाएका छन्।
कार्कीलाई नेकपा एमालेका दुर्गाकुमार थापाले १ सय ६२ मतसहित पछ्याइरहेका छन्। यस्तै जनता समाजवादी पार्टीका महेन्द्रबहादुर राईले २५ र राप्रपाका इन्द्रप्रसाद अधिकारीले ९ मत प्राप्त गरेका छन्।
वेलकामा यसअघि नेकपा एमालेबाट दुर्गाकुमार थापा निर्वाचित भएका थिए। उनी यसपटक पनि मेयर पदमा उठेका छन्।
वेलकामा मेयर र उपमेयरका लागि गठबन्धनको तर्फबाट नेपाली कांग्रेस र माओवादी केन्द्रबीच तालमेल भएको छ।
