सिन्धुपाल्चोकका १२ पालिकामध्ये १० पालिकामा मतगणना सुरु भएको छ।
जिल्ला सदरमुकाममास्थित चौतारा सागाचोकगढी नगरपालिका र बाह्रविसे नगरपालिकासहित ईन्द्रवति, जुगल, त्रिपुरासुन्दरी, बलेफी, भोटेकोशी, लिसंखुपाखर, सुनकोशी र हेलम्बु गाँउपालिकामा मतगणना सुरु भएको सिन्धुपाल्चोकका मुख्य निर्वाचन अधिकृत चन्द्रप्रकाश तावारीले जनाकारी दिए।
सिन्धुपाल्चोकको मेलम्ची नगरपालिका र पाँचपोखरी थाङपाल गाउँपालिकामा भने विवादका कारण गतगणना सुरु हुन सकेको छैन।
सिन्धुपोल्चकोको मुख्य निर्वाचन कार्यालयका अनुसार हिजो भएको मतदान प्रक्रियाको विवाद मिलेपछि मेलम्ची र पाँचपोखरीमा पनि मतगणना सुरू हुनेछ।
हेलम्बुमा जारी मतदगणनाअनुसार गाँउपालिका अध्यक्षमा कांग्रेसका निमा ग्याजेन शेर्पाले अग्रता लिइरहेका छन्। उनले ८०२ मत ल्याएका छन् भने एमालेका दावा लामाले ६९५ प्राप्त गरेका छन्।
उपाध्यक्षमा भने एमालेकी गंगा अर्यालले ७७६ मत प्राप्त गर्दा कांग्रेसकी अप्सरा लम्साल लामिछानेले ७५६ मत ल्याएकी छिन्।
