सुर्खेतको वीरेन्द्रनगर नगरपालिकामा आजदेखि मतगणना हुने भएको छ। हिजो राति १२ बजेसम्म मतपेटिका संकलन गरिएको थियो। वीरेन्द्रनगरका १६ वटै वडाका मतपेटिका वीरेन्द्रनगर आइसकेका छन्।
मतगणना सुर्खेत सभा हलमा हुने भएको छ। मतगणना गर्ने विषयमा छलफल गर्न अहिले सर्वदलीय बैठक बसिरहेको मुख्य निर्वाचन अधिकृतको कार्यालयले जनाएको छ।
वीरेन्द्रनगरमा २५ मतदान केन्द्र र ७५ वटा मतदान स्थल छन्।
नगरपालिकामा ६७ हजार ५६ मतदाता छन्। शुक्रबारको निर्वाचनमा ४८ हजार ३०४ (७२.०४ प्रतिशत)ले मतदान गरेका छन्।
